🪔 శ్రీ సంకటమోచన హనుమదష్టకం-Sri Sankata Mochana Hanumath Ashtakam

tatō’haṁ tulasīdāsaḥ smarāmi raghunandanam ।
hanūmantaṁ tatpurastād rakṣārthē bhaktarakṣakam ॥ 1 ॥

hanūmannañjanāsūnō vāyuputra mahābala ।
mahālāṅgūlanikṣēpa nihatākhilarākṣasa ॥ 2 ॥

akṣavakṣōvinikṣēpa kuliśāgranakhāñcita ।
śrīrāmahṛdayānanda vipattau śaraṇaṁ bhava ॥ 3 ॥

ullaṅghya sāgaraṁ yēna chāyāgrāhī nipātitā ।
siṁhanādahatāmitra vipattau śaraṇaṁ bhava ॥ 4 ॥

lakṣmaṇē nihatē bhūmāv ānīya hyacalaṁ tataḥ ।
yayā jīvitavān adya tāṁ śaktiṁ prakaṭī kuru ॥ 5 ॥

yēna laṅkēśvarō vīrō niḥśaṅkaṁ vijitaḥ svayam ।
durnirīkṣyō’pi dēvānāṁ tad balaṁ darśayādhunā ॥ 6 ॥

yayā laṅkāṁ praviśya tvaṁ jñātavān jānakīṁ svayam ।
rāvaṇāntaḥpurē’tyugrē tāṁ buddhiṁ prakaṭī kuru ॥ 7 ॥

rudrāvatāra bhaktārti vimōcana mahābhuja ।
kapirāja prapannastvāṁ śaraṇaṁ bhava rakṣa mām ॥ 8 ॥

ityaṣṭakaṁ hanumatō yaḥ paṭhēc chraddhayānvitaḥ ।
sarvakaṣṭavinirmuktō labhatē vāñchitaṁ phalam ॥ 9 ॥

iti śrīgōsvāmitulasīdāsa kṛta saṅkaṭamōcanaṁ nāma śrīhanumadaṣṭakam ॥